ومثل كل سنه من أول ما بديت في التدوين هالساعه معاكم لها طعم مختلف أحتفل بعامي الجديد و احتفل فيكم أحبه و أصدقاء و زملاء , منكم من تسربت علاقتي فيه إلى حياتي الشخصيه ومنكم من اطلعت على خصوصياته بأمره ومنكم من التزمت معه بعقد الزماله بكل ما يحمله من حدود و لباقه في التعامل السنة كان لتويتر وجود قوي .. حد من التواجد في المدوناة و بالتالي حد من عدد المواضيع المنشوره و قل تواجدنا جميعا ... السنه اكمل معاكم عامي الثاني في التدوين ... و أدخل في الثالث .. حابه أسمع منكم رأيكم أكمل ولا تشوفون شي ما أشوفه ...عني حابتكم و ودي أكمل معاكم .. بس بالأول الأخير الشور لكم ...
ومن الحين أقولك أي أحد يقول لا تكملين ماراح انشر تعليقه مو تقولون ماقالت .. و انتبهوا مدونتي محاطه بحرس الحدود و تفتيش دقيق على الداخل و الخارج ... اللهم إني بلغت
أحــــبــكم
و أسعد أوقاتي إلي أقضيها معاكم و حرية رأيكم يكفلها الدستور الكويتي ... وهو شامل الغير كويتيين في توحيد الحرية
لكم ودي و أطيب أمنياتي في عام مليئ بالبهجه و الحب و السعاده و التوافيق
آمـيـــــــــــــن
اي هذا اللي ناقص بعد
ردحذفمو كافي سلة تركتنا.. الحين انتي تبين توقفين ؟؟
لا عاد .. ما نوافق و نرفض و نشجب بقوة و شدة و ضمة
و كل عام و انتي بكل خير و صحة و سعادة يالجودي
سنة ٢٠١١ جمعتنا و قربتنا من بعض أكثر كمدونين
و هذا شي اسعدني كثيرا
معرفتكم مكسب
و كل عام و هذه المدونة العامرة دائما ان شالله بخير
و عقبال مئتين سنة
تحياتي
وكل عام وأنتى بخير يالجودى ..
ردحذفوكل عام و انتى معنا ونحن معك ..
ولو توقفتى أنا اول واحد اتوقف .. لأننا بدأنا طريق التدوين الصعب سويه .. وانشاء الله نستمر ..
بغض النظر عن أماكننا .. وعن ظروفنا .. وعن واقعنا و لكننا نظل زملاء هدف واحد .. وصداقتنا أمتن ..
شكراً لك الجودى لتواجدك و متابعتك ..
شكراً لرقى كلمتك ..
شكراً لطيب قلبك ..
شكرا لذوقك الرفيع ..
وشكراً لأنك عرفتينى على مدونين من صفوة المجتمع الكويتى ..
وكل عام و انتى بخير ..
تحياتى .. وأهلاً بك فى 2012
كل عام وأنتم بألف خير ..
ردحذفجعل الله هذا العام عام استقرار وسعادة لكم ..
كل عام و انت بخير
ردحذفو ان شالله منها للاعلى
الجودي.
ردحذفمدام انها anniversary
لازم يتم فيها المصارحه .. لأني تكلمت أكثر من مره.
لا نخفيكم سراً .. ان ابداعكم وروحكم الطيبة تخلينه نتواجد ونتابع ونقرا مواضيعكم.
لكن أتوجه لكم بالنقد الشديد على كتاباتكم ..
كتاباتكم رائعة جداً .. ماشالله واسلوب تطور كثيراً عنه في البداية..
لكن يبقى..
التغيير لازم يكون محط الأنظار..
انا مازلت في شغف اني اقرالكم مواضيع تمس الشارع
او مواضيع لها طابع خاص من ذوقكم.
ولا حرج ان تستمرون على رتم الرومانسية : )
وكنتم ومازلتم رومانسيي القلم.
حافظكم الله من كل سوء. وباركلكم حياتكم .
يالجودي
ردحذفومن هو هذا اللي راح يقولج لا تكملين
الكل متفق انج فراشة التدوين
اللي تحط على مدوناتنا وكأنها ازهار نت
بكل صدق اقول
أجمل لحطاتنا تلك هي اللي نقرأ فيها شيئا لج
حيث اختصار المعنى وجمال الفقرة وروعة الصورة
توكلي على الله سبحانه وكملي
ومن الحين بنرفع شعار خاص فيج
نقول فيه ( نبيج تكملين )
شلون ما تكملين ؟
ردحذفهذا سؤال !
الجودي ، استمري الله يبارك فيج ، واتركي عنج هالسوالف..
وكل عام وانتي بخير وصحة وسلامة
واضح التراجع بين 86 تدوينه لسنة 2010 مقابل 57 تدوينه لسنة 2011 .. كل الحق على تويتر تصدقين ما حبيته الموقع ..
ردحذفان شاءالله هالسنه يكون التركيز الاكبر بالمدونه *_*
كل عام وانتي بخير و عقبال السنه ال 100
كل الخير لج
reemas
ردحذفوناسه مئتين سنة جذي يمقن .. يمقن لأ اصك على الصبوحه ..
مشكوووووور ريماس على الرفض و الشجب بالشدة منك وبالكسرة مني
يسعدك الرحمن يا دكتور و يحقق لك كل أمانييك في العام الجديد ...
سعيده كنت في العام الماضي بتقربي منكم كأخوه مدونين ..
و إن شاء الله السنه الجديده تكون حلوه علينا كلنا و على الكويت و على العالم
آمين
تحياتي .. و أمانيي الطيبه لك و للأسره الكريمه
دمت بخير و حفظ الرحمن
قوس قزح
ردحذفكمية الشكر إلي حفيتني و حبيتني فيها .. أتمنى أكون على قدرها و المكانه و الصداقة إلي منحتني إياها ... وإني أكون فعلا زميلة درب التدوين بكل مافيه من جمال و مصاعب أحيان ..و وفاء و صدق ..
وتأكد بأن الشعور متبادل استمتعت بالتدوين من خلالكم .. كزملاء كان لكم دور فعال بما كتبت و بما حاز على إعجابكم أو نقدكم ... أحييك على روحك على تجاوبك على وفائك للمدونة و صاحبتها ..
لك كل الشكر و الإمتنان ...
كنت من أفضل ما خرجت به من عامي الماضي ..و إن شاء الله تستمر معرفتي بك لأعوام مديديه
و أكيد لي الشرف في هذا ..
كل عام و أنت بخير و هلم بنا إلى عام 2012 .. أصدقاء على درب التدوين
دمت بخير و حفظ الرحمن :)
هند عبد الله
ردحذفعزيزتي مشكووورة على الزيارة الجميله ...
اسعدتيني و تمنياتي لك بالمثل بعام جميل تتحقق فيه جميع أمانيك و سعاده تغمرك ومن يعز عليك
و لنفسك الأمن و السلام و لجميع المسلمين
دمت بخير وحفظ الرحمن
ناعمة الهمس
ردحذفحبيبتي و إنتي بخير و صحه و سلامه و سعاده و هناء ومن يعز عليج ..
و تألق دائم في ما تطرحين .. من مواد متنوعه ..
لك كل الشكر و الإمتنان على هالزياره الحلوه
دمت بخير و حفظ الرحمن
كاتب فرح
ردحذفأولا فَرِحَ بعودتك و مستبشره في هالعام إلي بتدأ في عوتك و تواجدك سواء على مستوى التدوين أو تويتر ..
أما عن نقدك فلست وحدك من طلب مني التشكل في الكتابه ...الموضوع بكل بساطه إني باديه و عارفه خطي شنو وهو الخواطر مو المقال .. ولا أخفيك سرا بأني حاولة خصوصا لما كتبت عن صديقتي سلة .. وحاولة أكثر من مره بس أشوفها محاولات هزيله لا ترقى لنشر أو يمكن أنا ما أشوف نفسي بهذا المجال ... بس علشانك و علشان كل من طلب مني و مازال
بحاول مره ثانيه و ثالثه و لكن ما أوعدك بالنشر إلا لما أحس إن المقاله ممكن ترقى لذائقتكم و الله المستعان
سعيده بنقدك و بحرصك ..سعيده بكل حرف كتبته لي وفيه أمنية للجودي بالتقدم و بإطرائك أكثر
لك كل التقدير و الإحترام
وكل عام وإنت بخير ومن يعز عليك و المسلمين أجميعين
دمت بخير و حفظ الرحمن
ابن السور
ردحذفنعم أرد عليك فيها و على نفسي ..
وجدت نفسي بينكم ... و صححت الكثير من مساراتي على دروبكم ..لن يكن تركي لكم سهل .. وعليه سيكون استمراري ما استمريت في الكتابه إن شاء الله
وبتوكل على الله و هو حسبي و نعم الوكيل و بستمر فيكم و معاكم و بمشاركاتكم و بزيارتي لكم إلي تعتبر جزء من تنفسي اليومي ..
أحببتكم في الله أخوه و أخوات و أصدقاء و إن قدر لي الله الإستمرار فسيكون بكم و لي ولكم :)
شاكرت لك و شعارك وسام شرف لي أعتز فيه أكيد
و كل عام وابن السور بخير و صحه و سلامه وعطائك و تحليلك لكتاباتنا في تألق .. و ابهار لنا أكثر و أكثر
دمت بخير و حفظ الرحمن
may khaled
ردحذفههههههههههههه يبارك لي بعمرج و بعمر من تحبين و يعزون عليج ... بترك عني هالسوالف .. البطاليه ههههههههههه
و بستمر معاكم يا حبيبتي مالي غنى عنكم و أنتم الأنفاس في الصدر إشلون أقدر أبعد ...
و كل عام و إنت و من يعز عليج بخير و صحه و سلامه و رخاء ..
دمت بخير و حفظ الرحمن
انا حبيت مدونك فلا تحرمينا من احساسك المميز
ردحذفأولا كل عام والجودي وروائعها بكل خير
ردحذفثانيا ياشين تويتر يوتر الأعصاب لأنه سريع ووايد في موضوعات تغث .شخصيا قاعد أحاول أخفف منه وأركز على التدوين.
ثالثا مو بكيفكم ,تكملون يعني تكملون,ولا ها ترى أبجي.وحده بوحده والبادي أظلم.
رابعا تمنياتي لكم بالتوفيق وبمزيد من التفوق والتميز.
ودايما إن شالله بالعلالي في عالم التدوين أخت عزيزة وزميلة رائعة وكاتبة متميزة.
كل عام وانت بخير والفال لالف عام وعام ،اذا وقفتي انا مع زملائنا المدونين راح ننزل ياحة الارادة نطالب بعودتج (ناس نقولها ارحل وانت نقولج ارجع ;-) )
ردحذفالحمدلله ان دخلت عالم التدوين وتعرفت علي ناس مثلج وشرواج
مواهب وثقافه ونفس حلوه ،الله يديم عليج كل النعم ونظل يارب اخوان وزملاء مانتفرق
Love you :***
كل عام والمدونه وراعيتها بخييييير وصحه وعافيه
ردحذفاي بعد سويها..!!!
ياويلج مننا..ترى مانقدر على فراق الغالييين
:**
بعدين انا معاج تويتر شوي اثر فينا
وبديت افج عنه شويه
لنا عوده للتدوين
مع ان عمرنا مقارب لعمركم يعني توني صغيره سنتين بعد ؛)
موفقه يارب يالجودي
والله يحقق لج في هالعام كل ما تطلبين
ويرزق قليبج سعاده ورضا
ويعطيج حتى يرضيج
:***
سلمي على اللي خبرج
وتراني ولهانه عليها واااايد
منصور الفرج
ردحذفلك حق ما تحبه ... يسحب من جهه و ياخذ الوقت و غير مجدي يعني الكلام إلي تكتبه فيه رايح مو محفوظ لك مو مثل المدونة .. احسها مختلفه تعتبر إنجاز جميل :)
و هالسنه كانت مختلفه بسبب أحداثها يعني وسط التأزمات السياسيه كان صعب اتنزل بوست عن العلاقات أي كان .. أولا طبيعي ماراح يكون في تجاوب .. و ثانيا أنا من هالبلد يعني مخي أكيد موصافي حالي حال البقيه من الشعب ..
مشكووور منصور على تواجدك .. و إن شاء الله هالسنه تكون خير علينا و عليك ..
و بالفعل ودي التركيز يكون أكبر على المدونه وربي يعينا جميعا :)
وشكر كبير لتمنياتك .. ربي يوفقك و يسدد خطاك أخي الكريم
دمت بخير و بحفظ الرحمن
أيام من عمري
ردحذفو أنا حبيتج .. حبج الرحمن ..
مشكووره حبوبه تسلمين لي و لعين ترجيج ..
واسعدني جد التعرف على مدونتج :)
دمت بخير و سلامه
t7l6m.com
ردحذفأولا و إنت بخير و صحه وسلامه و توفيق كبير ..
ثانيا صاج و أوافقك الرأي واحتمال الفتره القادمه انقطع عنه بشكل كبير صحيح من مقطعه الياده فيها بس بعد بتركه ..
ثالثا لا لالا تبجي كفايه أنا بجيت هههههههه و إن شاء الله أستمر فيكم و بتشجيعكم و أخوتكم الحلوة ..
و أخيرا شكر كبير لك تحلطم لكل ما تشكله لهذه المدونة و صاحبتها فعلا زميلا و أخ أعتز بمتابعتك و وجودك ..
لك كل التحية و التقدير
دمت بحفظ الرحمن و رعايته
Sweet Revenge
ردحذفحبيبتي حبج الرحمن إن شاء الله ..وكل عام إنت بخير وصحة و تألق يارب ..
الحمد لله الذي بحمده تتم النعم ..يا صوت عقلي .. إلي فاهمتني من كلماتي ..
فعلا التدوين دنيا جديده بناس مثل الذهب دخلوا حياتي و أتمنى يكون وجودي بحايتهم
شيئ جميل يسعدهم :)
مشكوره سويت على ذوقج على ردج اللبق و الله ماني عارفه شقول لج أخجلتني كلماتج ..
الله يحفظج يا رب و دوم إن شاء الله أكون عند حسن الظن
:****
الليوان
ردحذفيا الغاليه ومن يقدر على فراقكم ... ترى مالي قلب كلش لا اتصدقين تهديدي بالفراق في الهوا..ما أقاوي
وأكيد ما اختلف معاج في تويتر و تأثير وإن المدونه سكن مختلفه شكلا وموضوعا .. و لو تردين بيكون من حسن حظنا .. تستمتع بسوالفج الحلو
و مقالاتج .. و العمر إنتي زهرة صغيره كبيره تزينينه ما يزينج يا حلوه
مشكوره الغاليه على تواجدج و دعواتج إلي أكيد محتاجتها اللهم آمين ربي يستجيب لج و لك بالمثل إن شاء الله ..
أما على إلي خبري خبرج ببلغها ولا يهمج يوصل و فوقهم حبة مسك علىما يقولون السوريين
ربي يحفظج من كل شر .. ويديم قلبج هالحلو الشفاف