العيب

لي قلت أحبك وإنت تصغرني ماهو عيب .. 

العيب إني أعطيك شعور ما ينتمي لي ..

حبك سكن خاطري واشريته في العين ..

كل ما التقي فيك يسكن حنيني ..

أضيع في غيابك وياخذني دربي للبين ..

وإن شفتك يركد كل ما فيني ..

ماهو هوى ساعه ولا نزوة مقفين ..

حب تملكني وأسس عناويني ..

يخط بيمناه كل ما على قلبي يقين ..

وأنا أرسمه خيالي وكل ما يعنيني ..

أشوفه حاضري إلي غاب عني أيام .. وسنين ..

وأشوفه فرحتي المقبل وسعد يحتريني ..

ليت أمك جابتك قبل أعوامي تحين  ..

وليت أمي ما استعجلت في حضرت سنيني ..

الحب ..

ماهو عمر ينذكر ويبين ..

الحب عمر نقضيه بقناعه واحساس يزيني ..

اعشقني

اعشقني ..

اعشق مزن تسقى جفى حنينك ..

تروى عطش دنياك بعذب صافيها ..

وتغزل وتعلم تحلي أجمل اسنينك ..

يا عيون تشوفك كل ما ليها ..

وتغلى وتحلى وتدلل ودلل ..

عجب هالحب كيف يجمل معانيها   ..

وأسهر وسامر وتجمل وتعلل ..

وجود ببوح قلب يغليها ..

وأصبر وثابر وجامل وكلل ..

زهو العمر ما يكتمل إلا فيها ..

الحلم

أنا بنام و بحلم بك ..

أرجوك زورني بحلمي ..

سلم علي .. لاطفني ..

ومد ايدك تصافحني ..

ابتسم لي ..

و وعدني ..

تكون عيون ترسمني ..

وخاطر ينجبر باسمي ..

 أشواقي وأفراحي ..

وكل ما تمنيته بدنياي ..

وأبيك أتحقق أمالي ..

 تسامرني بليل الفراق ..

وأبي بكلمة تسعدني ..

تسكني قلبك المشتاق ..

وأنا ..

بعاكس ظروفي ..

وهلي .. وخوفي ..

وبحاول أجيك ..

بس بالحلم ..

هدر الكلام ..

وقف هدر الكلام إلي وصفتك فيه ..

وضاعت بوصفك حروفي ..

جيت تطلب القرب .. و ود لك موصوفي ..

جهلت كيف يكون الرد على سؤالك .. وخوفي ..

إنت حقيقة أو وهم .. أو جملة شكوكي ..

إنت شكوتي .. أو دوى قاسي جروحي ..

إنت النفس لي غابت ولا محل  النفس في حضوري ..

وإنت غياب العقل .. ولا زينة عيوني ..

وإنت سلى الخاطر .. ولا ضامي البوحي ..

احترت في وصفك .. و جمع الشمايل فيك ..والنوحي ..

ما أذكر طيبك .. ولا أذكر إني بشرك مكبوحي ..

كل ما في الأمر إني صحيت منك ..

وشفتك ..غفلتي ..وعوقي !

تشره علي !؟

تشره علي إشلون

 وكلي عتب وجنون

ودموع ترسمك غيمات .. في سلام وسكون

وعثرة عمر .. وغيبه .. وظنون

وتشره علي

وأنا حبي ضوى شموع

وفرح .. وجمر مغبون

ينتظر منك أمل

وكلمة يشع فيها الكون

عشقتك رضا .. وعوق

ودرب ماله وصول

واسم تعلقت به

يغازلني في الغلا .. ويخون

وتشره علي وتقول

تحب أتراب خطواتي

وتعشق شفق دمعاتي

ونظرة ماعرفت معناها

ترسلني لغيباتي

وتشره علي إشلون

وأنا فرحت شوق أهديك

وحب رسم ماضيك

ويلون من ضياه عيون

تشوفك حبي المكنون

وتشره علي إشلون