صـبرك علينا يا وطـن صـبرك ...
طـال الزمن و طـال الليل في صـبرك ...
تعبت حزن و كدر و شربت من كاس صـبرك ...
جاهل حجى و عاقل حرق و مالنا غير صـبرك ...
جمر الفتن اشتعل بيوف صـبرك ...
يضوي درب الفراق و الضيم لعيالك و صـبرك ...
نويت أنا أشكي لك الهم و هالني صـبرك ...
هـمك غرسته بقـلب شـعبك و صـبرك ...
مالي حيله في نارهم و أن اضرموا بصـبرك ...
حكمه .. و حكيم و دار الزمان وهان صـبرك ...
بطلب رب السما يجمع شملٍ تشتت و يفك صـبرك ...
ولا البشر ما منهم فود دام الهوان و اللـين صـبرك ...
قلبي علييج يالكويت :"(
ردحذفمو هاين علي اللي قاعد يصير ...يارب يصلح الحال يارب وان شالله ما يمسكها الا اللي يستاهلها واللي يخاف الله بالكويت :(
على قلبي أهل الكويت كلهم حبايبنا واهلنا وياربي يفرجها عليكم :")
~أم حرّوبي~
حذفحبيبتي الحمد لله على كل حال ...
اليوم الإنتخابات وإن شاء الله الأمور ترجع لنصابها و أفضل ...
وربي يوفقنا في إختيار الأفضل للكويت ...
مشكوووور يا قلبي على مشاعرج
لك كل التقدير غاليتي
لا خلى ولا عدم يا بنت الإمارات ..
صبرك يا كويت صبرك ...
ردحذفكان الله في عون الكويت على الكويتيين !.
شكراً لج
منصور الفرج
حذفتفاءلت من اسمك خصوصا في هذا اليوم ..
إن شاء الله النصر قادم و الفرج معاه ...
الله يصلح الحال و ربي يسوق لنا الخيره في إلي اخترناهم لإصلاح البلد ..
عساك على القوة أخوي ..
تسلم
القصيد ، وعيون الأمهات ، وطمأنينة الجدّات ..
ردحذفهم آخر مبرر للأمل في الوطن ، وحتى وقت فقدهم ..
أعدل عن فكرة "ترتيب جنطتي" والهجرة ..
محمد
ﻣﺘﻄﺮّﻑ ﺟﺪًﺍ
حذفالأرض ، الولاء ، والبناء ، والأمل في غد أجمل ... فقط ما يجب أن يقوي صلتك بالوطن ...
لا حرمك المولى من عيون الأمهات ولا طمأنينة ﺍﻟﺠﺪّﺍﺕ فهم جذورك الضارب في أرض هذا الوطن ... لنعمل من أجله فهو يستحق منا الكثير ...
وفقك الله لما يحب و يرضى ...
شكرا لك أخ محمد على مشاركتك ...
اسعدني مرورك
تحياتي
نص رائع
ردحذفمن اجمل ما كتبتي
الزين ..
حذفالأروع تواجد الزين ..
شهاده أعتز فيها .. من كاتبه لها مكانتها على الساحه ..
ودائما هناك الأجمل من أجل الوطن ..
لك كل الود و التحيه ..
حبيبتي الجودي...
ردحذفاول شي انتي شلونج توني دريت انج تعبانه من ردج عند تحلطم
والا انا فاجه عن كل شي المدونه امرها كل يومين وتويتر تقريبا بالسبوع مره
شلون صحتج الحين طمنيني عليج
والله تسلم ايدج على هالكلام اللي طالع من قلب وطني
عسى ربي يخليها ويحفظها
والله لو بس نتذكر دايما ان مالنا غير الله ثم الكويت
جان ما نسوي فيها جذي
الله الحافظ
الليوان
حذفحبيبتي أنا الحمد لله بخير وصحتي إن شاء الله بتحسن الحمد لله ...
ودام في موبايلات نقدر نشبك ونلف العالم واحنا قاعدين في مكانه :))
بس الصعوبه إني أتواصل مع المدونات وهذا إلي حاز بخاطري بس الحمدلله ..
و الكويت هي الروح و الله يا الليوان أحيان أفكر أقول عسى ما يكون حبنا لها هو سبب الضياع إلي احنا فيه كل من يحبها بشكل خاص فيه و رافض يتنازل و يتقبل الآخر و في باله إن هو الأفضل للوطن ...
مشكوره يا الغاليه على تواصلج و سؤالج هني و تويتر ..
لا خلا ولا عدم ..
ربي يحفظج و من تعزين ..
الله وأكبر على الكلام المبدع والحكيم والوطني
ردحذفياريت أبناء وبنات وطني يدركون معنى حبه كما تدركينه
تسلم إيدكم وفكركم
t7l6m.com
حذفو الله يا أخوي ما أدري شقولك أكيد يحبونها بس كل واحد يحبها بطريقته ..
و المشكله لما يحب نفسه و أفكاره و أنتمائاته أيا كان نوعها عليها ..
لآن دمارنا لما نرخصها و نحب عليها ولائات مختلفه و ننسى الوحده ..
مشكور تحلطم على رأيك .. وحرصك على التواجد ..
دمت بخير و حفظ الرحمن