الجمعة، 25 يناير 2013

عشقت رساما













عشقت رساما  ..


 يهوى رسم ما يحب ..


رساما يمتهن رسم وجوههن  ..


يتنفس في إظهار جمالهن ..


ولكنني ..


 لا أرى نفسي في لوحاته ..


بل هي ..


من استحوذت على عقله ..


هي ..


من سكنت وجدانه ..


هي ..


لمعت عينيها .. في رسم عيونهن ..


انحناءات ابتساماتها .. في وجوههن ..


قد ملكته  ..


و استوطنت خلجاته ..


أراها هي في لوحاتهن ..


كم من الوجوه .. بعد


لتقول لي إنك مستهام بهن  ..












الأحد، 13 يناير 2013

هدر الكلام ..









وقف هدر الكلام إلي وصفتك فيه ..


وضاعت بوصفك حروفي ..


جيت تطلب القرب .. و ود لك موصوفي ..


جهلت كيف يكون الرد على سؤالك .. وخوفي ..


إنت حقيقة أو وهم .. أو جملة شكوكي ..


إنت شكوتي .. أو دوى قاسي جروحي ..


إنت النفس لي غابت ولا محل  النفس في حضوري ..


وإنت غياب العقل .. ولا زينة عيوني ..


وإنت سلى الخاطر .. ولا ضامي البوحي ..


احترت في وصفك .. و جمع الشمايل فيك ..والنوحي ..


ما أذكر طيبك .. ولا أذكر إني بشرك مكبوحي ..


كل ما في الأمر إني صحيت منك ..


وشفتك ..غفلتي ..وعوقي !








الثلاثاء، 1 يناير 2013

كلام من قلبي لكم في العام الجديد










في مثل هذا الوقت من كل عام احتفل معكم بمضي عام على التدوين عام بصحبتكم .. عام يزيدنا قرب من بعض .. عام يعرفنا ببعض ..عام ندرك شخصيات بعضنا بشكل أوضح و نتفهم بعض بشكل أدق ..

هالسنه كنت مقلة مثل غيري .. تويتر سحبنا من التدوين .. و خلفه الانستغرام ..و التغييرات السياسيه على المستوى المحلي و العربي و العالمي !
و صار التدوين مهمه صعبه للي حب الإستمرار نظرا لقلة المريدين ..

عني التدوين بيتي الأول .. المكان إلي أعبر فيه عن شيئ ما في داخلي .. يمسني وقد يمس غيري ..

هالسنه كانت بالنسبه لي غير مختلفه وغريبه ..
عرفت ناس صاروا أقرب لي من نفسي .. وابتعدت عن ناس كانوا قراب مني  ..
 هالسنه كان فيها قرارات حاسمه على مستوى حياتي الشخصيه .. والعملية .. وتغيير جازم بين وضع و وضع .. هالسنه على قدر صعوبتها بالنسبه لي و على كثر ماحوت من شد عصبي وتوتر و مشاعر متضاربه حكمت فيها العقل على قدر استطاعتي .. إلا إني أتمنى و أتأمل الأفضل مع القادم لي ولكم.. وبصحبتكم أكيد..

كل عام وإنتوا بخير
كل عام و مدونتي فيكم تزدهر
وكل عام و أنا معاكم إن شاء الله بخير :)